نصائح منزلية لست البيت
كتب / مريم عبد الخالق
نصائح بسيطة لكل ست بيت شاطرة****
_ التحضير هو سر النجاح حضري لوجبه تاني يوم عشان توفري علي نفسك وقت الطبخ
_ خزني البهارات في مكان بارد ومعتم وجاف هي التلاجه مفيش غيرها
_ لوعندك عزومه متخترعيش : اعملي الاكل اللي انتي شاطرة فيه وبس
_ متسويش المكرونه اوي يعني طلعيها بدري دقيقه وكملي سواها مع الصلصه
_ اي تسبيكه حطي رشه سكر وانتي بتحمري البصله
_ الباذنجان الرومي عفريه بالنشا قبل ما تقليه
_ البطاطس المسلوقه اعصري نص لمونه في مايه السلق بتاعتها بتظبط قوامها وبتبقي فاتحه
_ الباذنجان المخلل حطي خل وملح في مايه السلق بتاعته هيبقي قلبه ابيض
_ اي مخبوزات حطي فيها معلقه خل بتفتح العجين وبيبقي هش
– قرن فلفل احمر حلو اوي للملوخيه وانتى بتخرطيه ولو بتجيبها جاهزة ضيفي قرن فلفل رومى احمر مدقوق ناعم مع تقيلة التوم والكزبرة هتبقا تحفة
– أي تتبيله سمك حطي معاها كاري
_ بعد ما تنضفي السمك او الفراخ افركى ايديك وضوافرك بنص لمونه هتلاقي ايديك بقيت ريحتها تحفة ومفيهاش نقطة زفارة واحدة
مع تحياتي