فاكس إلى /سحر شعبان رئيس حى غرب … الأموات يستغيثون بالاحياء بأخر باب بشارع الرحمة مقابر جزيرة شندويل فئران وحشرات وقمامة أمام المقابر ورغم نقلها عده مرات إلا أنها تعود ثانية اسوء بكثير من قبل اللهم بلغت اللهم فاشهد …وبس خلاص
فاكس إلى رئيس حى المنتزه أول
…نظرة على شارع خالد بن الوليد الباعة الجائلين احتلوا الشارع والرصيف في غياب مسؤلي أشغال الطريق بالحى علاوة على افتراشهم الطرقات حرام حرام ….حنقول لمين يلحقنا …وبس خلاص
فاكس إلى…علا سليمان مدير إدارة وسط التعليمية …خلي بالك الناس مش ناقصة عذاب وبهدلة كفاية الدنيا عليهم هتبقي أنتي والدنيا شوفي مطالب أولياء الأمور وسهلي عليهم أمورهم طالما في إطار القانون ليه وقف الحال (الله يرضي عليكي)….
فاكس إلى ماجده جلاله …وكيل وزارة الشؤون الاجتماعية بالإسكندرية …حضرتك ربنا حيحاسبك على أفعالك في المواطنين الغلابة من الساعة التاسعة صباحاً أمام مكتبك حتي الساعة الثانية عصراً ولا حل لمشكلة أي مواطن وحضرتك قاعده فالتكييف ….
فاكس إلى /مسؤل العلاج الحر
ماذا يحدث في المستشفيات الخاصة (سلخانة)الغلبان اللي بيتعب يموت والغني يبيع ممتلكاته علشان يعيش أين المراقبين علي تلك السلخانات من قبل وزارة الصحة أنا عايز انشراح تحكي على اللي راح …وبس خلاص
فاكس إلى اللواء/حسام كمال مدير مرور إسكندرية اهلا وسهلا نورت بقول لحضرتك للعلم والإحاطة ممكن تكون مش واخد بالك التكاتك احتلت شارع الجواهر وشارع ابن الخطاب المؤدي إلى ميدان محطة مصر وضربوا بالقانون عرض الحائط شوفلك حل ياسيادة اللواء الناس تعبت والله من أسلوب سائقي التكاتك علاوة على البلطجة ورفع الأسلحة …نشكو إليك يا رب وهنقول في الآخر بس خلاص …
