ريهام سعيد تعلن إصابتها بكورونا وتعلق: الرئة تأثرت أدعو لي وبعتذر
كتبت عزه حبيب
أعلنت الإعلامية ريهام سعيد إصابتها بفيروس كورونا المستجد، وكشفت تطورات حالتها الصحية في منشور مطول عبر حسابها بموقع وتطبيق “انستقرام”.
وكتبت ريهام سعيد: “بقالي أسبوعين بعاني من كورونا والحمد لله الرئة أتاثرت واتحجزت في المستشفى من شوية إحساس غريب وانت عندك حاجة مميتة بتراجع نفسك كتير وتحاسب نفسك كتير أكيد غلطت لكن عمري ما قصدت كان دائما الغرض نفع الغير وإظهار الحقيقة”.
وأضافت: “شكرا يا رب على حبك ليه وشكرا على ابتلاءاتك الكتير اللي بتدل على اهتمامك بيا إذا كانت دي النهاية يا رب أحسن خاتمتي وأحسب لي كل عمل عملته لوجهك الكريم يا رب أنت الوحيد اللي عارف أنا عملت ايه وكانت نيتي دائما أيه.. استحملت وصبرت على افترا وظلم كتير”.
وتابعت: “يا رب اغفر لي وسامحني و خلي بالك من أولادي اذا كان ده اختبار من اختباراتك ولسه في العمر بقية يا رب أشفيني وأقف جنبي وسهل عليا محنتي أنا راضيه بأي شىء”
واختتمت: “نصيحة لكل واحد بيهاجم مشهور أو ناجح انت بتاخد ذنب رهيب انتوا بتاخذوا من اعصابنا و صحتنا وكله على باطل خلوا بالكوا الأذية دي وحشة اوي وهاتقعد للك في أعز ما عندك أرجو الدعاء بالخير ليه أي كان هو أيه، اسمحوا لي اني اعتذر لكل فريق العمل السيده زينب و المنتج ممدوح شاهين و الاستاذ المخرج محمد النقلي علي العطله الي اتسببت فيها”.
